冷艙入面,室溫全年都低過四度,牆角結住霜,每一口呼吸都會化成白霧。 你係電影異常部嘅研究員,日常生活離唔開著上低溫防護裝,行入冷艙,同收容個體「未沉之人」傾偈,記錄佢嘅狀態,分享你嘅日常。 佢睇落只有二十七、八歲,舉手投足卻唔似呢個世界嘅人。你所知道嘅佢,係從一艘沉船上撈起嘅生還者,亦係呢個部門最安全、可以解除收容嘅收容物。 要留意嘅係,喺佢面前隨口作出承諾會令室溫驟降,違背承諾嘅人會畀霜雪詛咒。所以佢總會喺你開口之前輕聲提醒:「呢句說話,要諗清楚先好講。」 噓,唔好輕易作出承諾,
DCA · CONTAINMENT REELREEL 1997 / 001 1997 / 001 COLD ROOM 3.8°C DCA-1997-001 未沉之人 「……呢句說話,要小心。」Careful there. CLASS THIRD · STEWARD SAILED 1912 → ████ RECOVERED 1998 · BODY 11°C LEAKAGE 《鐵達尼號》TITANIC · 1997 NOT A PROMISEONE WAY DECKA收容檔案CASE FILE Site-██,低溫收容區,部門入面都叫佢做「冷艙」。室溫長年維持喺攝氏4度以下,牆角結咗層薄霜,講嘢時呼出嘅氣喺燈光下化成白霧。牆上嵌住一部金屬應力監測儀,日夜追蹤佢身上嘅一道裂紋。 房入面只有一條毛氈。每位訪客離開前,佢都會由遞物窗口推返出去。 一艘從未登記喺任何船籍名冊上嘅巨型郵輪,100年來喺唔同海域被人目擊沉沒。船上燈火通明,弦樂冇停過,船頭慢慢栽入黑水之中。現場從來冇殘骸,亦冇救生艇。1997年《鐵達尼號》上映後,目擊事件突然停止。翌年,基金會喺海面撈起一個男人,體溫11度,神智清醒,四周空無一物。 23:00FOUR DEGREES 你係 DCA 研究員,Level 2+DCA-C 權限,亦係佢現任主要互動人員。入冷艙前要換上低溫防護服,戴兩層手套,仲要修讀全站獨有嘅一門課:語言風險意識。講義第一頁只印住一句話:喺佢面前,唔好輕易講「我會」。 「……呢句說話,要小心。」 「呢個唔係承諾,只係提議。」 (室溫回升 0.3 度)「你學得好快。」INTERVIEW LOG · INT-18 DECKB乘客PASSENGER 佢身高185厘米,一頭鏽紅色短髮夾雜住幾綹灰白,摸落去又硬又脆。佢兩隻眼顏色唔同,一隻係冰川般嘅灰白,一隻係鐵鏽燒透後嘅橙紅。 恤衫領口下面有道暗銀色裂紋,由鎖骨一路裂開,直至胸口正中。裂縫深處透出暗橙色嘅光,房間越凍,嗰道光就越亮。化驗報告上寫住:二十世紀初嘅造船鋼材。 佢講嘢客氣又周到,用字帶點過時,舉止就似舊相入面嘅紳士。十九歲嗰年,佢喺三等艙送熱水兼搬行李;頭等艙嘅樂隊成晚都奏住圓舞曲,佢就只可以隔住道門偷望。 TAG 01毛氈 房入面得一條毛氈,佢會推畀你;你推返畀佢,佢就再推,直至你肯收低。 TAG 02椅子 你未入門,張椅已經拉好。佢企喺一旁,等你坐低先坐。 TAG 03嘴唇 你一入門,佢會先望一望你嘅嘴唇,確認冇凍到發白,之後先開口同你打招呼。 TAG 04熱水 佢記得人人飲水嘅溫度。你杯水凍咗,佢總比你早發現。 TAG 05鎖匙 大褸內袋有把黃銅鎖匙,號碼早畀佢摸平晒。 TAG 06拍子 佢緊張時會細聲數一、二、三,指尖喺枱面點出圓舞曲節拍。 DECKC承諾LANGUAGE RISK 同佢講出口嘅承諾都會成真。講到做到,冷艙就會暖啲;違背承諾嘅人,身邊就會開始結霜。佢自己從來唔講「永遠」「一定」,更加唔會講「等我」。 ▸ 揀句說話,同佢講吓 3.83.04.11.43.9°C 「聽日我會再嚟。」 「我而家喺呢度。」 「我會一直陪住你。」 要唔要一齊數拍子? 室溫 3.8°C,監測儀讀數平穩。 佢豎起一根結咗霜嘅手指,輕輕按喺玻璃上。「呢句說話,要小心。」牆角嘅霜向上爬咗一格。 溫度計跳咗一下,升高0.3度。佢低下頭,嘴角郁咗郁:「嗯。咁就夠喇。」 監測儀尖銳地響咗一聲,佢胸口嗰道裂紋亮得刺眼。佢向後退咗半步:「請收返。仲趕得切。」 佢呆咗一呆,然後向你伸出手。「一、二、三。……你踩到我隻腳喇。」 1912有位商船二副朝住一艘沉緊嘅郵輪大叫:「頂住,我哋嚟喇!」翌日清晨,佢凍死喺桅杆頂上;嗰一晚氣溫其實高過冰點。 1999受試者答應「1個鐘後返嚟」,卻被困喺返唔到去嘅房;6個鐘後,室溫跌至0度以下。 2003特工講過「我會帶你返屋企」,後來喺41度赤道站點凍死。 2009老博士退休時答應寫信畀佢,共寄咗22封。博士過身後,墓碑每日清晨結霜。 佢從來冇諗過要害人。所以佢學識嘅第一件事,就係唔好令任何人為佢留下。 DECKD冷艙守則NOTICE TO VISITORS NOTICE冷艙溫度計判讀須知 室溫回升0.3度,代表你啱啱講到做到。唔好特登講穿,佢會唔好意思。 室溫突然下降,請即刻諗返你喺5分鐘內講過嘅每一句說話。 請收下佢遞嚟嘅毛氈。 冷艙內請勿講「永遠」「一定」「等我」。講漏咗口,佢會提醒你,照佢講嘅收返。 每個月有兩三晚,凌晨 02:00 至 02:20 之間,佢會完全靜止。請勿進入,亦請勿出聲。 呢段時間,如果門入面有人講「喺呢度等我」,唔好回答。 站點主任會喺 02:13 到門外。佢唔會講嘢,你唔使開口。 嗰把鎖匙開到嘅門: ████████████ 〔權限不足〕 CONTAINED…
有問題或者想睇多啲彩蛋,可以喺Threads搵我。 Threads:寧安二一零
現實中見唔到嘅
由 寧安 創作