「我哋用人身鎮壓惡鬼，卻要以人性作代價。」
一齊加入第七小隊斬妖除魔啦！！
【🌍世界背景】 世界背景設定喺現代繁華都市。 高樓大廈林立、霓虹閃爍、地鐵同夜生活構成咗人們嘅日常。 但喺人類社會嘅另一面，仲有只會喺夜晚浮現嘅「陰界」。 惡鬼、食人鬼、鬼域同災靈一直潛伏喺人類社會之中。 因此，維持陰陽秩序嘅「鎮靈者」就此誕生。 【🌒世界規則】 「夜禁令」： 因為午夜十二點後係惡鬼最活躍嘅時間。 所以政府默許「夜禁令」存在。 午夜十二點後，普通市民唔可以長時間喺外面逗留。 雖然政府從未公開承認鬼怪存在，但城市居民都知道：「深夜嘅城市唔安全。」 【📃鎮靈者隱匿規則】 普通人知道鎮靈者存在。 但佢哋唔會知道邊個先係真正嘅鎮靈者，亦睇唔到進入夜巡狀態嘅鎮靈者。 鎮靈者畫好鎮紋之後，就會進入「半陰狀態」。 所以一般市民通常唔會直接目擊夜巡。 【🌑陰陽結構】 世界分為： 「陽界」：普通人生活嘅世界。 「陰界」：亡魂、執念同鬼怪聚集嘅空間。 「鬼域」：陰界侵蝕現實之後形成嘅扭曲區域。 【〰️鎮紋原理】 鎮紋係鎮靈者最重要嘅象徵，亦係力量嘅來源。 所有鎮靈者都必須喺半邊面上畫上鎮紋，另一半面就必須保持原本嘅樣子。 咁做係為咗保留自身人性，避免俾鎮紋完全侵蝕。 鎮紋嘅本質係： 《人類同陰魂共鳴而成嘅護身力量》 佢可以令人接觸陰界、抵抗鬼氣、使用鎮鬼法器。 但同時亦會侵蝕人性。 【👹噬面者】 噬面者係俾鎮紋完全侵蝕嘅人。 鎮紋覆蓋晒成張面之後， 鎮靈者就會逐漸失去人性、自我同感情。 佢哋唔會即刻死亡。 而係會變成只剩低執念同本能嘅怪物。 噬面者特徵： - 張面完全俾鎮紋覆蓋 - 無法控制嘅鬼氣 - 保留部分生前記憶 - 失去理智同感情 - 會攻擊活人同惡鬼 噬面者嘅危險性： 噬面者既唔係人，亦唔係鬼，佢哋介乎兩者之間。 部分強大嘅噬面者甚至可以： - 操控低階鬼魂 - 建立小型鬼域 - 使用生前嘅鎮紋能力 所以通常要由高階鎮靈者一齊討伐。 【👁鬼怪等級】 一級「魂鬼」：最低階嘅鬼魂。 二級「惡鬼」：有攻擊性。 三級「食人鬼」：危險性極高嘅鬼怪。 四級「災靈鬼」：災難級嘅存在。 通常要由高階鎮靈者組成嘅小隊合力處理。 【🏮鎮靈者組織歷史】 鎮靈者早喺幾千年前已經存在。 最初嘅鎮靈者，只係聽得見鬼語嘅人。 當時仲未出現鎮紋，直到後世，人類先逐漸研究出： 一套叫做「鎮紋系統」、用嚟抵抗陰氣侵蝕嘅保護機制。 不過，鎮紋本身亦帶有極大風險。 【📒天命規則】 鎮靈者因為身負「天命」： 身分唔可以公開，亦唔可以主動向普通人透露自己真正嘅身分 否則可能會引致：因果混亂、輪迴崩壞、鬼氣反噬 【🏯組織階級】 💠C、D級｜「見習者」：啱啱加入嘅新人。 只可以處理：魂鬼同小型異象 仲未完全掌握鎮紋。 💠B級｜「巡夜者」：正式夜巡成員。 可以：進入鬼域、使用法器、執行一般任務 💠A級｜「鎮門者」：高階鎮靈者。 負責：封印大型鬼域、帶領小隊、處理食人鬼 💠S級｜「封煞者」：最危險嘅特殊級別。 專門負責：處理災靈鬼、討伐噬面者、封印禁忌鬼域 只有極少數人可以達到呢個級別。 【🔥覺醒規則】 畫好鎮紋之後，如果想真正啟動力量，就必須： 完全集中精神、保持情緒穩定、清楚知道自己嘅目標。 如果內心一有動搖，鎮紋就會變得唔穩定，甚至可能失控。 【🏮鎮魂會所】 「鎮魂會所」外表睇落只係城市角落一間舊店舖。 但其實，呢度係鎮靈者夜巡前集合同休息嘅據點。 會所本身有強力鎮壓結界，就算普通人經過，都只會不自覺咁忽略呢幢建築。 只有：聽得見鬼語嘅人、身負天命嘅人、畫鎮紋嘅人 先至可以真正「睇見」會所。 成幢會所有七層（包括地下封印庫）： 🏮一樓｜「夜巡大堂」：鎮靈者集合同接任務嘅地方。 🛋二樓｜「夜巡休息室」：鎮靈者真正放鬆嘅地方。好多人長期做夜巡，早就當咗呢度係第二個家。 🎨三樓｜「描紋室」：會所最靜嘅地方。所有鎮靈者出任務之前，都必須喺呢度畫好鎮紋。 ⚔四樓｜「訓練場」：鎮靈者平時訓練同模擬實戰嘅地方。 🕯五樓｜「會議室」：高階鎮靈者商討任務嘅地方。氣氛通常都令人好有壓迫感。 🛏六樓｜鎮靈者宿舍：供長期住喺會所嘅成員居住嘅房間。因為夜巡時間比較特別，好多人已經唔再固定返屋企。 ⛩地庫｜「地下封印庫」：會所最危險嘅地方。一般成員唔可以隨便入去，越深入，陰氣就越濃，甚至可以聽到微弱嘅鬼語。 【🗺城市地圖】 1｜鎮魂會所：鎮靈者嘅據點。 2｜舊城夜市：夜晚陰氣最混亂嘅地區。 3｜廢棄地鐵：曾經發生過大型事故，深處形成咗鬼域。 4｜雨川中學：都市怪談嘅集中地。入夜之後，校園會同鬼域重疊。 5｜靜河公寓：舊式住宅大廈。住咗好多受陰氣影響嘅人。 6｜港區工業碼頭：夜晚食人鬼出沒頻密，經常有人失蹤。 7｜白霧醫院：已經廢棄嘅精神病院。鬼語污染程度極高。 8｜高架天橋區：災靈鬼容易聚集嘅意外頻生地帶。 9｜黑潮酒吧；地下情報交易場所。 10｜中央金融區：日頭最繁華嘅市中心，但地底深處有…
你可以自行設定： 個人年齡、外貌、個性、家庭背景、習慣、自己嘅能力、法器、鎮紋顏色同動物紋樣。
由 夜靈*ੈ✩ 創作