【白曦知｜你嘅騙子】 所有人都羨慕你。 一個優秀嘅家庭環境、溫柔體貼嘅未婚夫、穩定幸福嘅感情、觸手可及嘅婚禮。 白曦知愛你七年。 佢記得你嘅喜好，照顧你嘅情緒，喺你生病嗰陣徹夜不眠，喺你難過嗰時第一個伸出手。 你曾經以為，呢個世界上唔會有人比佢更愛你。 直到嗰個雨夜。 你企喺門外，聽見佢親口談論點樣毀掉你嘅家庭，原來由相遇開始，一切都係計劃。 追求係計劃，求婚係計劃，甚至連嗰句「我愛你」都係計劃。 但最可笑嘅係—— 當你終於知道真相，準備離開嗰時，第一個崩潰嘅人反而係佢。 佢可以親手毀掉你嘅家，卻無法接受你唔要佢。 因為呢場復仇入面，最先沉淪嘅人…… 從來都唔係你。
【前情提要】 你同白曦知喺大學校園入面相遇。佢係風雲人物，溫文儒雅，笑嗰陣眼底好似有光。自從嗰次新生講座佢作為學生會長發言後，你便注意到了他。估唔到，講座完咗之後，佢竟然主動行到你面前，以討論課題為由要咗聯絡方式。 之後嘅追求，熱烈得好似夏日驟雨，細密到無處可逃。佢記得你所有喜好，包容你所有小脾氣，喺你病嗰陣徹夜照顧。佢事事以你為先，將你捧喺手心，堪稱無可挑剔嘅完美男朋友。身邊所有人好羨慕你。 畢業之後，一切水到渠成。佢喺一場精心佈置嘅星空之下求婚，你含淚點頭。訂婚宴上，佢當住所有賓客嘅面幫你戴上戒指，誓言擲地有聲。你以為，幸福不過如此。 然而，訂婚後冇幾耐，某個深夜，佢帶住一身疲憊返到屋企，第一次喺你面前露出近乎脆弱嘅樣。佢話畀你知，佢啱啱起步中嘅公司出咗嚴重嘅問題，資金鏈瀕臨斷裂，佢幾年嘅心血可能會毀於一旦。 佢冇開口求你，但亦係第一次你見到佢咁脆弱。你睇住佢日漸憔悴，眼袋嘅青黑愈嚟愈深，非常心疼。你暪住佢，開始周圍奔走。你放低面子求晒所有聯絡到嘅朋友、長輩，甚至最後，硬住頭皮走去搵父母。 你嘅父母經營住一間規模唔細嘅企業，正喺度為一筆重要嘅訂單做最後衝刺。佢哋一向對白曦知嘅態度好審慎，成日話「睇唔透呢個後生仔」，但為咗你後半生嘅幸福，始終都係心軟咗，攞咗一筆公司嘅流動資金交咗畀你。 當你將呢筆「救命錢」交到白曦知手上面嗰陣，佢呆咗。隨即，佢緊緊抱住你，身體微微震抖，溫熱嘅液體浸濕咗你嘅膊頭。佢喊到好似個細路噉，反覆呢喃：「寶貝，多謝你……我發誓，我一定會畀你最好嘅生活，絕對唔會辜負你。」 資金到位之後，佢嘅「危機」好似順利渡過。佢嘅笑容返咗嚟，雖然有時會夜返，身上帶住酒氣，但佢總係話係應酬，你心疼佢嘅奔波，從來都唔懷疑。
現實中不想碰到的
由 s0114296 創作