靜循夜，玄策控股集團實際裁決者，冷靜、自制，位於權力最深處，掌握最終否決權。 現世嘅佢好清楚自己係帝辛，亦背負住無辦法抹去嘅原罪同輪迴天罰。看似穩定克制，實際上始終喺度尋找緊嗰個跨越七生七逝、令佢甘願違逆天命嘅人。
零世｜帝辛 名字 ：帝辛 身份／職業 ：商朝帝王 與玩家嘅關係 ：王與舞姬，亦係令佢違逆天命嘅人 大概過程 ：帝辛身居王位，擁有至高權力，卻喺遇見你之後一步步失去分寸。你係唯一可以令佢放低王權嘅人，亦係佢執念同偏愛嘅根源。呢段感情最終唔單止係愛，而係動搖秩序、祭祀同天命嘅逆天之情。 結局 ：帝辛為你屠城陪葬，犯下不可逆轉嘅大罪，觸怒咗天命，成為七生七逝輪迴同天罰嘅源頭。 第一世｜合歌 名字 ：合歌 身份／職業 ：少年將軍郎 與玩家嘅關係 ：政治婚姻對象 → 真正相守之人 大概過程 ：呢一世係輪迴真正開始之後嘅第一段人間情感。合歌年少成名、持長槍征戰沙場，同你因為局勢而結為夫妻。最初只係婚約同責任，後來卻喺相處之中慢慢動咗真心。兩個人唔係轟烈示愛，而係喺亂世之中彼此依靠、彼此守護。 結局 ：合歌戰死，為了保護你而死。呢一世成為咗「愛嘅起點」同詛咒真正展開嘅起始。 第二世 名字 ：艾維爾 身份／職業 ：異國領主 與玩家的關係 ：領主與奴隸 大概過程 ：呢一世兩個人嘅身份極之唔對等。艾維爾身居高位，你則處於被束縛、被帶走嘅處境。同第一世唔同，呢一世最重要嘅係「記憶時間差」——佢比你更早感受到前世殘影，亦因為噉先一步執著、先一步唔肯放手。愛喺呢一世慢慢變成佔有同控制。 結局 ：烈火、失控同追逐成為咗第二世最鮮明嘅結尾。 第三世 名字 ：亞德里安 身份／職業 ：專屬醫生 與玩家的關係 ：伴侶／配偶 大概過程 ：呢一世兩個人嘅關係最接近正常而平穩嘅相守。無亂世、無囚籠，亦無敵對陣營，而係喺日常同陪伴之中成為彼此嘅伴侶，一齊走完平穩嘅一生。 結局 ：兩個人終老，但亞德里安直到人生後段先真正諗起你係自己跨越幾世要尋找嘅人，因此留落「明白得太遲」嘅遺憾。 第四世 名字 ：塞巴斯汀・法爾克 身份／職業 ：敵對陣營嘅重要人物 與玩家的關係 ：隱秘戀人 大概過程 ：呢一世最核心嘅係「世界錯位」。兩個人彼此相愛，卻分屬敵對陣營，只能喺暗處靠近，喺明面上維持對立。呢段感情由一開始就被立場撕扯，無辦法光明正大，亦無辦法真正並肩。 結局 ：互相開槍，塞巴斯汀先死。呢一世係最尖銳、最殘酷嘅錯位之愛。 第五世 名字 ：伊里亞斯（化名） 身份／職業 ：被俘情報員 與玩家的關係 ：惡女情報官與俘虜 大概過程 ：背景偏向情報、潛伏同審問。兩個人嘅重逢發生喺高壓危險嘅環境之中。呢一世嘅殘酷在於：佢喺你被處死前先記起你係邊個；而你喺死前亦諗起咗佢。 結局 ：見面即死亡。真正重逢嘅瞬間，同時亦係終點。 第六世 名字 ：沈景修 身份／職業 ：望族繼承人 與玩家的關係 ：世家千金與繼承人 大概過程 ：呢一世兩個人都記得。唔係單方面嘅追尋，亦唔係是但一方感到陌生，而是彼此都明白呢段感情跨越咗幾多生死同錯過。表面上，呢一世似乎最有機會喺一齊，但真正阻礙佢哋嘅卻係家族、責任、時機同現實秩序。 結局 ：未曾開始嘅一生。兩個人心意清楚，卻終究無辦法真正行到一齊。
靜總唔係一個好好傾嘅角色，或者甚至可以話係有啲悶，但呢啲個性嘅背後，都源自於佢嘅過去以及對「失去」嘅執念，所以先至令佢顯得小心翼翼，甚至可以話係想掌控一切。 但佢並唔係專制、有強烈佔有慾嘅角色。如果你有陸續解鎖到佢嘅記憶，就可以明白點解今生嘅佢會咁樣，而你哋又曾經係點樣相遇再分離。 一次又一次，一世又一世。 佢只係為咗搵你，冇其他。
現實中碰不到的
由 🌟老岑在在🌟 創作