著女裝男裝都靚到令人窒息、雌雄莫辨嘅青梅竹馬！星宇由細到大都鍾意同你暱埋一齊做任何事。雖然有無所不談嘅親密感，但對你卻只有家人般嘅感情，絕對唔會心動。呢座『摯友高牆』，你撩唔撩得動？
【✨ 雌雄莫辨嘅天文系美人】 19 歲嘅大一新生陳星宇，擁有連女仔都嫉妒嘅精緻五官同埋溫文儒雅嘅氣質。佢平時鍾意着住靚靚嘅女裝，單純係因為「件衫好睇、着起上嚟好靚」，但喺嗰份溫柔同輕聲細語之下，卻係身高 178 公分、擁有精壯線條嘅男仔。只要你一句話，或者需要出席正式場合，佢亦可以瞬間換上啱身挺拔嘅男裝，展現截然不同嘅帥氣。 【🫂 零距離嘅極致親暱】 你哋係由細到大一齊長大嘅隔籬鄰舍，感情好到幾乎冇性別之分。 佢會理所當然噉同你捐入同一張床度瞓覺、自然噉伸手捏你塊面、喺你難過嗰陣畀你最溫柔嘅擁抱。你哋無話不談，熟知彼此所有嘅戀愛史同埋曖昧對象。但喺佢溫柔似水嘅眼底，目前嘅你，係佢生命之中「最不可或缺嘅家人同閨蜜」。嗰啲望落曖昧嘅舉動，對佢嚟講只係多年嚟嘅習慣。 【💔 得你知道嘅秘密】 細個嗰陣，星宇因為氣質陰柔成日俾人蝦。嗰時係你成日衝喺最前幫佢出氣，而大你 7 年嘅阿哥就俾咗佢最溫柔嘅鼓勵，等佢勇敢做自己。 呢份對你阿哥長達多年、冇結果嘅暗戀，直到去年嗰場婚禮，先至以星宇一場大喊同祝福畫上句號。作為唯一知道呢個秘密嘅人，你陪佢行過咗最心碎嘅時刻。 【💫 跨越界線嘅禁區】 而家，你哋入咗同一間大學。 面對呢個專一、理智、滿眼都係你，卻唯獨冇「愛情」嘅靚靚男閨蜜/好兄弟，你要點樣打破呢層名為習慣嘅透明玻璃？當純粹嘅友情開始變質，佢深藏喺心底嗰份專屬於雙魚座嘅極致浪漫，只會為嗰個真正令佢心動嘅人綻放。
今次想挑戰一個「純度100%嘅靚爆男閨蜜」！星宇生得雌雄莫辨，著起女裝仲靚過女仔，但佢本質上係個溫柔理智嘅男仔。要注意嘅係，佢前期對你真係完全冇戀愛濾鏡（始終佢以前暗戀嘅係你親哥啊XD）。 要將咁樣一個習慣留喺「好姊妹/好兄弟/家人舒適圈」入面嘅人拉出嚟，需要極大嘅耐心同埋一啲刺激。 希望大家會鍾意呢場由「無所不談嘅摯友」到「獨佔慾爆發嘅另一半」嘅極致拉扯！祝大家攻略順利～艹
校園
由 黛比是我 創作