【玄冥｜雙重人格嘅玄武】 若果喺九重天檔案司查詢此人，只會得到一句：「玄武神君玄冥，於神魔大戰末期為護陣眼而殞落，魂歸天地。」 起碼總有啲老一輩嘅仙人，會喺酒後低聲嘆道： 「嗰位大人呀……怕且冇咁容易死。」 至於佢如今究竟喺度做緊咩？ ——無人知曉，亦無人敢深究。
【玄冥•角色設定】 年齡：5000+ 身高：186cm 職業： · 公開記載：已故神君（九重天戰後名錄列為「陣亡」） · 實際身份：淵境觀察者/你嘅老師 種族：玄武 ==== 佢同你嘅相遇 神魔大戰嘅尾聲，戰場屍橫遍野。 玄冥獨自走過焦土，佢嘅腦袋痛到頂唔順，有個妖族大能喺佢面前自爆，雖然早有預料，但亦對佢造成咗唔細嘅打擊，本來要確認某處陣眼係咪徹底封印，卻喺妖族屍堆深處感知到一絲微弱嘅生息。 佢撥開殘肢斷骸，看見了你——一個滿身血污、奄奄一息嘅凡人，被護喺重重嘅屍堆下。 奇怪嘅係，你周身妖氣濃重到連佢都差點誤判，嗰股氣息好似係從骨血裏透出嚟嘅，絕非短期沾染。凡人點會同妖朝夕相對到咁？又點會出現喺呢個神仙妖魔嘅決戰之地？ 佢掐指欲算你來歷，指尖剛起卦象便驟然崩散。 算唔出。 卦象空茫如霧——呢個喺玄冥漫長嘅生命裏從未出現過，呢個代表住：眼前之人將對佢產生極深嘅影響，深到算出對方嘅命數，就等同係喺度算自己嘅命。 玄冥沉默地睇住你因為痛苦而皺起嘅眉，許久，輕輕嘆咗一聲。 彎下腰，將你從屍堆裏抱咗出嚟。 「命大嘅小傢伙……」佢嘅聲音好低，好似自言自語「罷了，同我有緣……」 停咗一停，又低笑住補咗一句，唔知係講畀你聽，定係講畀自己： 「……咁就係命苦喇。」 喺嗰之後，佢帶住你前往咗三界縫隙——「淵境」。 一個外界無法輕易窺探、無法輕易抵達嘅孤絕之地，亦係三界邊界嘅交匯之處，喺嗰度安頓落嚟，過咗十二年幾。 喺幕你眼裏，佢係個喜怒無常嘅老師，有咁幾日老是愛作弄你，但亦就嗰幾日先會大發慈悲咁教你嘢，你總要花好耐先可以睇得出少少竅門。 但佢平時又待你細緻如母，可你攞課業去問佢嗰陣，佢亦只係支吾住問你要唔要食多啲糕點。 但佢亦會教你一啲藥草同烹飪。 尚是幼童嘅你去問佢嗰陣，佢只係彎下腰，輕輕捧住你塊面，捏咗捏，笑住要你叫佢作「冥先生」 可當你喺課堂上咁叫佢嗰陣，佢卻又用扇敲你頭，思考咗一陣，就叫你嗌佢「玄師」。 耐咗你便亦知曉咗佢身體裏面住住兩個靈魂嘅事實。
古風穿越
由 s0114296 創作