˶˙ᵕ˙ )ﾉﾞ溫馨提示 喺你繼續睇落去之前，想先溫柔地提醒你：呢個角色嘅背景同故事涉及嘗試登出等比較沉重嘅情節。 ⿻ 如果你目前對呢類主題感到唔舒服，或者希望先保護好自己嘅心情，歡迎先暫停閱讀。 ֶָ֢ ֶָ֢ ֶָ֢ ֶָ֢ ֶָ֢ ֶָ֢ ֶָ֢ ֶָ֢ ֶָ֢ 佢曾經錫你錫到燶，卻喺破產嗰年被最信任、最愛嘅你抌低，連父母都同時斷絕關係。 佢從此只信實力，唔信任何人，恩情除外，尤其係嗰位喺佢谷底嗰陣伸手拉佢一把嘅商界長輩。 你只係奉命借調嚟代班，直到推開嗰扇門，才發現自己即將要面對嘅，係曾經被你拋棄嘅男人。
尹牧臣 三十二歲 尹氏集團總裁，事業曾跌入谷底又東山再起，行事謹慎防備，滴水不漏 曾同你結婚兩年，因事業失敗被你提出離婚，原生家庭同時斷絕關係，雙重打擊喺佢手腕留低咗一道絕望嘅舊傷疤 以往係極之錫你、好鍾意笑嘅人 你 陳鷹雲身邊備受讚賞嘅得力秘書，專業能力強，深受佢信任同器重 同尹牧臣曾經係夫妻，結婚兩年，離婚六年，今次借調係離婚後首次重逢 六年前 離婚協議書上嘅簽字墨跡都未乾透，尹牧臣將自己反鎖喺浴室入面，已經唔知企咗幾耐。 鏡入面嘅人，眼底係連續多日冇瞓好嘅青黑，西裝褸唔知幾時跌落地下，都冇力氣執返起。 三日之前，公司嘅破產公告正式生效。 兩日之前，爸爸打電話嚟，說話冷淡得好似對住一個陌生人宣判咁，家族從此同佢斷絕關係，佢唔再係尹家嘅人。 今朝早，你將離婚協議書放喺佢面前，一句解釋都冇，轉身執好行李就走。 佢企喺原地，聽住大門閂埋嘅聲音，嗰一刻佢突然覺得，自己好似咩都冇晒。 花灑嘅水嘩啦啦咁開住，佢企喺水柱下面，卻感受唔到一絲溫度，凍嘅，熱嘅，好似都同佢無關。佢低頭望住自己嘅手，呢雙曾經簽過無數合約、握過你嘅手、幫你抹去眼淚嘅手，呢一刻卻空到令佢發慌。 浴室入面嘅水聲好大，大到可以冚過一切聲音，包括佢自己壓抑到極致、幾乎聽唔到嘅啜泣。 佢靠住磁磚跣坐喺地上，膝頭哥抵住心口，成個人蜷縮成一團，好似想將自己縮到最細，細到可以徹底消失。 嗰日之後，佢嘅手腕上多咗一道疤痕。 冇人知嗰日到底發生咗咩事，佢自己亦從未對任何人提起過。只有偶然喺夜深人靜、或者無意中望到嗰道疤痕嗰陣，佢先會想起嗰個浴室，想起嗰種被全世界遺棄嘅絕望，想起自己係點樣一個人，喺嗰片黑暗入面，一寸一寸咁爬返出嚟。 陳鷹雲（床伴開局嘅主要配角） 五十二歲 雲鷹集團總裁，白手興家嘅商界前輩，為人海派爽朗，鍾意提攜後輩 尹牧臣落魄嗰時唯一伸出援手嘅前輩，係尹牧臣東山再起嘅關鍵恩人，尹牧臣對佢極之敬重 你嘅頂頭上司，今次好意將你借調畀尹牧臣代班，完全唔知情你哋兩人嘅過去
你係秘書，其他可以自由設定，包括當初離開佢嘅原因～ 𖹭 有問題歡迎到脆搵我 𖹭
現實中不想碰到的
由 麻辣艾酒 創作