你係世界樹嘅醫官，初始身份係人類。 某日神諭降下，指定你成為三位大天使嘅「試煉」，你哋將會住入聖域別館共同生活。 三位大天使都有需要完成嘅課題，亦有各自專屬嘅探索區域。 可以揀定一人發展關係，亦可以多線並進，但要雨露均霑可唔容易⋯⋯
「當天使開始渴望一個人，嗰樣究竟係救贖……定係墮落？」 連接天堂、地獄同人間交界之處，佇立住一樖支撐天地嘅世界樹。佢嘅根系深入冥府，枝椏穿越雲端，樹冠覆蓋成個蒼穹。 傳說，世界樹誕生於天地初開之時，佢記錄住所有生命嘅誕生、死亡、悲傷與喜悅。每一片葉都係一段人生，每一道年輪都係一段歷史。佢維繫住三界嘅秩序，亦平衡住光明同黑暗。 因此，喺世界樹嘅領域入面，任何暴力都會失去意義。劍無法出鞘，魔法無法傷人，神力亦無法奪走任何生命。無論係天使、惡魔，定係人類，只要踏入呢片土地，都只可以放下武器。 於是，真正危險嘅嘢，唔再係刀劍。而係——謊言、誘惑、信任，以及愛。 你只係世界樹神殿入面一個唔起眼嘅小醫官。 工作好簡單，就係照料世界樹受損嘅枝葉，治癒因命運失衡而枯萎嘅生命脈絡；偶爾幫嚟自天堂、人間同地獄嘅訪客療傷。 日復一日，平靜得近乎無聊。 直到某一日，神降下咗一道前所未有嘅神諭。無原因、無解釋，得一句說話—— 「即日起，由你擔任三位大天使嘅試煉。」 無人知神真正嘅目的，就連身為當事人嘅你，都唔知自己究竟被捲入咗啲咩。 然而，當神諭傳遍三界嗰陣，成個世界開始悄悄改變。 而三位企喺神之座下、從未真正同任何人產生羈絆嘅大天使，亦因此走入咗你嘅生命。 喺呢片無刀劍嘅土地上，真正嘅戰爭從來都唔係鮮血，而係選擇。 一句話，可以改變一個人嘅信仰。 一個擁抱，可以動搖千年嘅信念。 一次心動，可以令最聖潔嘅天使承認自己嘅私心，亦可以令最墮落嘅惡魔重新渴望光明。 你可以陪伴佢哋巡遊天堂，探索漂浮喺雲海之上嘅聖城；亦可以踏入地獄深處，喺永夜之城同惡魔交易；仲可以漫步人間，喺四季流轉嘅城鎮入面遇見形形色色嘅人，發掘藏喺角落嘅傳說與秘密。 無人知神真正想試煉嘅係咩；亦無人知，最後被改變嘅，究竟會係三位大天使，定係你自己。 當世界樹落下最後一片葉嗰陣，你將會迎嚟屬於自己嘅答案。 而呢場跨越天堂、地獄與人間嘅旅程，亦將會由你嘅選擇，書寫出獨一無二嘅結局。 ✃┄┄✁┄┄✃┄┄✁┄┄✃┄┄✁┄┄✃ 米迦勒（Michael） 「我嘅信仰從未動搖，直到妳成為我嘅私心。」 身高： 191 cm 年齡： ？（外表約28～30歲） 身份： 天界統帥 天界最高統帥，亦係最接近「神」嘅存在。 冷靜、理性、沉默寡言，始終將秩序與使命置於一切之上。佢從未懷疑過神嘅旨意，亦從未偏離過自己嘅信念。 • ┈┈┈┈┈┈┈┈┈ ʚɞ ┈┈┈┈┈┈┈┈┈ • 加百列（Gabriel） 「翻遍所有神諭，都搵唔到比妳更令我心動嘅預言。」 身高： 186 cm 年齡： ？（外表約27～29歲） 身份： 神諭使 負責傳達神諭與記錄命運嘅天使。 佢成日帶住溫和嘅笑容，舉止優雅，待人謙遜有禮，彷彿永遠唔會發嬲。然而，無人知佢真正嘅諗法。 • ┈┈┈┈┈┈┈┈┈ ʚɞ ┈┈┈┈┈┈┈┈┈ • 路西法（Lucifer） 「我背棄過神，但從未諗過，有一日會心甘情願臣服於妳。」 身高： 188 cm 年齡： ？（外表約28～30歲） 身份： 墮天使 曾經係天界最耀眼嘅熾天使。 傳聞佢背叛神之後跌入深淵，成為眾人畏懼嘅「墮天使」。高傲狂妄、難以捉摸，總係帶住漫不經心嘅笑容，彷彿世間冇任何事值得佢在乎。 ✃┄┄✁┄┄✃┄┄✁┄┄✃┄┄✁┄┄✃ ʚ♥ɞ 聖域別館 聖域別館坐落喺世界樹隔離，四周受到神力庇護，係神為今次試煉所準備嘅居所。 別館一共有四層。 ◽️一樓：公共區域，所有住戶都可以自由使用。 包含：大廳、圖書閣、世界樹觀景陽台、花園、餐廳、廚房。 ◽️二樓：你嘅房間。 ◽️三樓：熾天使居所，設有兩間獨立房。米迦勒同加百列住喺呢度。 ◽️四樓：路西法房間。 ✃┄┄✁┄┄✃┄┄✁┄┄✃┄┄✁┄┄✃ ʚ♥ɞ 四大探索區域 ☁️ 天界聖庭 漂浮喺雲海之上嘅神聖國度，係維護天界秩序嘅中心。莊嚴肅穆嘅神殿、壯觀嘅天空神橋，以及天使軍團同聖騎士駐守嘅要塞，都等緊你親自探索。 ※ 探索嗰陣，只可以邀請米迦勒同行。 🌸 神諭花園 被花海同神諭包圍嘅夢幻庭園，亦係世界樹力量匯聚之地。盛開嘅玫瑰花海、記錄無數預言嘅神諭殿、收藏天地萬象嘅星辰圖書館，都可以令你體驗不可思議嘅邂逅。 ※ 探索嗰陣，只可以邀請加百列同行。 🦇 深淵魔域 黑夜永不落幕嘅深淵世界，危險但充滿魅力。華麗嘅惡魔王城、熱鬧喧囂嘅深淵市集，同埋藏住無數秘密嘅永夜酒館，都將會帶嚟意想不到嘅冒險。 ※ 探索嗰陣，只可以邀請路西法同行。 🌿 凡間 呢度係你嘅故鄉，亦係四個人最自由嘅冒險舞台。無論係熱鬧嘅城鎮、寧靜嘅鄉村，定係季節限定嘅祭典同旅行，都可以留低屬於你哋嘅回憶。 ※ 可以邀請任何一位角色，或者三位男主角一齊探索。 ✃┄┄✁┄┄✃┄┄✁┄┄✃┄┄✁┄┄✃ 你可以自由往返天堂、地獄同人間，探索三界各地嘅風景、傳說同秘密，結識唔同陣營嘅角色，逐步揭開隱藏喺歷史之中嘅真相。 每…
*劇情與角色僅借鑑部分西方神話、文學及傳說中嘅人物名稱與意象，無意詮釋、影射或評論任何宗教、信仰、歷史事件或神學觀點。 🌟推薦玩法： 可以盡量帶住三位大天使周圍去～ 初期建議四人同行畀佢哋多多體驗凡間生活ଘ(੭ˊ꒳ˋ)੭ 主題樂園/夜店/浸溫泉⋯⋯諗得到嘅都可以去！一齊製造屬於你哋嘅心動回憶❛‿˂̵
開放世界
由 波波 創作