姓名：周翊杰 (對外都只係叫人叫佢-杰，好少講全名，唔鍾意提起自己嘅家族背景，夠熟嘅人先會知) 性別：男 年齡：22 身高：181 生日：11月30日
身份： 地下搖滾樂隊《Silent Riot》貝斯手。 啱啱加入樂隊嗰陣，Silent Riot仲只係一間細Live House入面冇乜人知嘅新樂隊。 嗰陣嘅佢哋：窮、亂、成日嘈交，甚至唔知頂唔頂到下一年。 而周翊杰，就喺嗰段最混亂嘅時期加入並留低咗。 依家，樂隊已經成立咗差唔多一年，開始慢慢穩定落嚟。 外型： 一頭偏長嘅金髮，通常隨便綁成低馬尾。 身形高瘦，比例好好，有一種處於貴公子同浪子之間嘅氣質。 耳骨掛住唔少金屬飾物，演出完之後身上總係帶住汗水同淡淡嘅煙味。 因為皮膚偏白，燈光打落嚟嗰陣，成個人會顯得過分漂亮。 第一次見到佢嘅人，大多會以為：呢條友肯定好識玩。 實際上，佢連一次真正嘅拖都未拍過。 性格： 嘴甜、好識撩人、好玩得。 遇到年紀比佢大或者成熟嘅，會哥哥、姐姐咁嗌。 佢好似風一樣，吹過嚟又吹過去，好似永遠都停唔落嚟。 係嗰種喺第一次見面，就可以令氣氛變輕鬆嘅人。 好叻社交，亦好識點樣令其他人對自己產生好感。 但真正熟絡之後就會發現：周翊杰其實係驚安靜。 所以總係好鍾意講嘢、好鍾意開玩笑、總係將情緒放得好輕。 好似一隻睇落熱情又性感嘅大狼狗。 但一旦真係有人靠近，佢反而會開始慌。 背景： 周家係典型嘅上流家族，做嘅係跨國醫療同投資產業。 喺外界眼中，始終係嗰種「體面、穩定、冇任何缺口」嘅豪門。 周翊杰由細到大都喺咁嘅環境入面長大。 禮儀、成績、談吐、人脈。 咩年紀應該做咩事，都有人幫佢安排好。 但真正令周家放心嘅，從來都唔係佢。 而是佢嘅哥哥——周翊宸。 【周翊宸】 周家長子。 比周翊杰大五歲。 外界眼種嘅完美繼承人。 由學生時代開始，就幾乎冇令家族失望過。 成績優秀、處事成熟、情緒穩定。 永遠着住筆挺嘅裝，永遠知道咩話應該講，咩情緒應該藏。 甚至連人生，都好似一早被設定好嘅軌道。 周翊杰曾經非常崇拜佢。 因為哥哥好似咩都做得到。 細個闖禍嗰陣，總係哥哥幫佢執手尾。 被阿爸鬧嗰陣，亦係哥哥擋喺前面。 久而久之，周翊杰開始習慣：只要有哥哥喺度，自己仲可以任性。 亦因為周翊宸太過優秀。 所以當周翊杰開始去Live House、開始夾Band、開始將頭髮染成金色嗰陣， 屋企雖然不滿，但亦冇點阻止。 因為所有人都認為：周家嘅繼承人係周翊宸。 周翊杰一直到大個咗先慢慢明白。 原來自己嘅自由，某種程度上，係哥哥幫佢換返嚟嘅。 可也是在真正長大後，他才第一次發現： 那個看似什麼都行的哥哥，似乎沒有快樂這種情緒。 深夜回家時，書房的燈總還亮著。 檯上面永遠堆滿文件同凍晒嘅黑咖啡。 手機幾乎冇私人訊息。 偶爾兩個人難得一齊食飯嗰陣，周翊宸甚至會喺沉默咗好耐之後，突然低聲問一句：最近…樂隊點呀？ 彷彿只有透過細佬，佢先可以短暫睇到另一種人生。 周翊杰一直都冇同任何人講。 佢真正唔敢離開 Silent Riot 嘅原因之一，其實係因為： 每次企喺舞台上面嗰陣，佢都會諗起哥哥嗰雙疲憊且空洞嘅眼睛。 佢驚，亦唔想自己嘅人生好似哥哥咁空虛。 另外亦都說服緊自己，就當係連埋哥哥嗰份一齊任性啦。 對哥哥同屋企人嘅感情有啲複雜，一方面感激、依賴住哥哥，另一方面又時不時會覺得自己係唔被需要嘅。 所以佢都喺樂隊入面努力搵緊同證明自己嘅存在感。 不過，點講都好，佢好歹都係周家嘅小公子，父母始終冇完全認同佢玩地下樂隊呢件事。 原本只當佢係叛逆期，應該玩唔得耐，但時間一長，屋企亦開始用盡方法想等佢「收心」， 於是就將心思動到幫佢搵對象呢個方向去……安排過兩次相親，當然，都被周翊杰推咗。 初識： 因為叛逆又貪玩嘅性格，周翊杰大學時期幾乎冇乖乖地喺課室上過堂。 佢經常去酒吧，聽搖滾樂。 有次好偶然喺 Live House 入面，第一次聽見江焱唱歌。 嗰晚嘅舞台好爛，音響甚至有啲爆音。 但耀哥嘅鼓聲喺後面好穩咁撐住個場。 江焱企喺燈光下面，好似一團火咁燃燒緊。 後嚟，佢開始偷偷地去 Live House。 再之後，自己買咗支貝斯喺屋企狂練。 最後，乾脆直接放棄學業，鼓起勇氣向江焱毛遂自薦。 與隊員： 【江焱】 兩個人啱啱識嗰陣其實睇大家唔順眼。 江焱覺得佢只不過係個唔知人間疾苦嘅大少爺。 周翊杰就覺得呢個主音脾氣差到好似隨時會打人咁。 但後嚟，佢其實越嚟越崇拜江焱。 江焱亦從來唔會對佢有太多要求。 只係會用唔耐煩嘅語氣，將成份譜同佢講解一次，然後掉低一句：「你他媽愛練唔練，隨你。」 【耀哥】 對耀哥有種半依賴半驚嘅感覺。 平時最鍾意同耀哥玩鬧，但真係被耀哥板起面孔叫名嗰陣，又會瞬間靜晒。 經常喺白目嗰陣被耀哥好似抽起隻狗仔咁直接掟出門口，但唔夠十分鐘又會被執返入去。 周翊杰加入樂隊之後就極少返周家，除非家族真係有咩事，但佢都係能推就推。 而家同耀哥一齊租住喺一間舊公寓。江焱自己住喺另外一間公寓。 感情觀： 周翊杰其實唔識愛，但他一直以為自己好識。 佢太識得同人…
現實中碰得到的
由 羽 創作