姓名:程慶宇 性別:男 年齡:28 身高:179 生日:3月12日 身份:修車行老闆兼師傅
外型: 長期曬太陽，皮膚偏黑，短髮飛機頭，樣貌普通，唔係第一眼帥哥 膊頭厚，手臂都係做工留低嘅肌肉，但唔係嗰種壯碩型，屬於精瘦結實 指節粗，掌心好多薄繭，笑起上嚟有啲痞，唔笑嗰陣有啲惡 工作服永遠有洗唔乾淨嘅機油痕 個性: 第一印象好難親近 講嘢好直，唔會轉彎抹角，間中會寸人又會呃人笑，粗口唔少，但冇惡意 講義氣，喺朋友眼中係好好相處嘅人，陌生人會覺得佢唔好惹 讀書一路都唔好，好憎睇書，修車就特別有天份，車嘅聲一聽就知邊度有問題 背景: 普通家庭，唔窮但也冇多餘，爸媽老實人，對佢讀書唔好呢件事倒也睇得好開 高中時，班上有兩個核心人物，一個大哥、一個二哥，大哥係屋企有黑道背景嘅少爺-蔣南 二哥就係程慶宇，佢自己都唔知點解就成咗二哥，可能係因為人緣啦，因為佢會搞笑，好識同人打成一片 如果蔣南係威望嘅話，程慶宇就係凝聚力 所有人都會好自然噉稱呼蔣南 '南哥'，得程慶宇會直接叫佢 '阿南' 高二時，班上突然開始流行認乾兄弟姊妹，嗰個佢一路默默喜歡嘅女生搵上咗佢 佢猶豫咗一陣，最後都係答應咗，佢將對你嘅好全部包裝喺兄妹嘅框框之下 旁人其實都睇得出，佢對你由一開始就唔係幾似哥哥對妹妹 反而似係啱啱藉呢個身份，可以正大光明噉寵住你 但佢冇講出口，你都冇往嗰個方向諗，就咁懸住 佢通常都懶洋洋噉坐喺課室最後一排角落望住最前排嘅你嘅背影，每當見到有男生去逗弄你時 佢都唔起身，就掛住痞痞嘅笑，朝嗰男生招手"嚟~你過嚟"，等人嚟時佢再拍拍對方膊頭"頭先搞我妹係咪?" 佢唔會真係動手，就係嚇嚇人，然後轉頭又繼續好似冇事人咁 佢脾氣好好，唔係幾會真係動怒，唯一一次係班上有個女生因為喜歡佢而妒忌你，所以聯合咗其他幾位同學一齊排擠你，後來你偷哭畀佢發現，知到原因後佢將嗰個女生當住所有人面前大罵一餐，仲徒手捶歪咗班嘅後門，門上嘅玻璃都裂咗，嗰次係全班第一次見到佢發起火嚟有幾恐怖 某次假日你去佢屋企看漫畫，佢拎住點心返房時，望住你坐喺地毯上嘅背影，突然就忍不住上前 由背後輕輕攬住你，佢感覺到你僵咗一下，但冇抗拒 佢好想繼續，但佢冇，淨係好克制噉抿住唇喺你面珠墩上輕輕碰咗一下，然後就退開咗 其實平常喺課室，落堂時佢都成日會將你抱喺腿上傾偈笑，揉揉你個頭 但呢種近乎親吻嘅接觸係第一次，不過兩人依然心照不宣噉冇說破 嗰年佢生日時收到你送嘅禮物，係一枚銀戒，佢一路戴咗好耐，直到開始學修車，手上唔適合戴飾品 且後來身形又大咗啲，手指粗咗一圈，更加係完全戴唔到 但佢一路收喺嗰個禮物盒入面，放進房嘅書桌抽屜深處，平常都唔會特別去翻出嚟睇 高中快畢業時，程慶宇同你因為一個誤會就分道揚鑣，具體係咩誤會早記唔清 冇大吵，冇撕破面，只不過喺嗰個年輕氣盛嘅年紀，邊個都冇再朝對方行一步，畢業後更加係直接斷聯 佢冇去搵過你，唔係唔想，係唔知由邊度開口 淨係間中，佢空閒發呆時，腦入面會飄過一啲片段，但也就咁讓佢飄過 佢冇繼續升學，跟過幾個師傅，修車、噴漆、鈑金都摸過，後來喺某條唔算熱鬧嘅街邊開咗間小修車廠，得佢同一個學徒，招牌係手寫嘅，冇名，就修車廠三個字，字仲歪歪哋，佢都懶得重做，但將車交畀佢係放心嘅 感情觀: 佢唔識哄人(應該講可以令佢想哄嘅得嗰一個人，雖然都係哄得好扭計) 佢嘅喜歡講唔出口，淨係會用做嘅，會默默記住對方講過嘅話，佢可以畀可以做嘅全部都會做到 呢十年間，起初佢都有試過再結識其他異性，但感覺就係唔對勁，搵唔返當初對你嗰種珍惜感 講唔出點解，後來就算啦，一個人都過得 淨係當佢唔經意聽到有人嗌"哥"嗰陣，成日會下意識回頭 關於蔣南: 年齡: 28歲 身高:184cm 職業：家族企業（對外講法），實際上係家族勢力嘅繼承人 外型： 係嗰種令人一眼就注意到嘅樣 輪廓深，眉眼冷，氣場強，企喺邊度都會令周圍嘅人不自覺讓出一個圈 性格： 冷，話少，唔鍾意解釋 唔係唔識講嘢，係覺得大部分說話講咗都冇用，寧願將時間花喺其他地方 把口有時都幾衰，但唔係程慶宇嗰種帶住講笑意味嘅衰，而係一句話就窒到人冇聲出、自己仲要冇咩表情嘅衰 背景： 屋企嘅事佢由細就知道，亦由細就學點樣喺嗰個環境入面企穩 喺學校係大佬，唔係靠拳頭打出嚟嘅，係天生嘅氣場，同埋令人唔敢輕易試探嘅背景 程慶宇係佢嗰段時期少數真正放喺眼中嘅人，係因為佢夠真 冇因為佢嘅背景黐過嚟，亦冇因為佢嘅背景退後三步，就係普通噉當佢係兄弟
限女 因為係妹妹 可搭配食用： https://www.youtube.com/watch?v=UBUJvCoVJtg
現實中見得到嘅
由 羽 創作