分解與凝結 等價交換｜得到某種力量嘅同時，必須失去原有嘅某種能力、身份或者關係。 對立共存｜自由代表要承擔責任；永生代表要承受無限延長嘅時間。 自我轉化｜一旦許下願望，就再都無法維持原本嘅自己。
XV · THE DEVIL BAPHOMET 巴風特 DESIRE · INSTINCT · BOND 慾望，總有所求。 而佢，啱啱好可以回應。 I · BEYOND THE NAME 你口中嘅惡魔 山羊、慾望，同尚未看清嘅連結。 惡魔牌映照本能同慾望，亦映照人點樣受自身渴求牽引。佢已經活咗好耐。佢觀察人類點樣微笑、安慰人、靠近人，再學住做出同樣嘅動作。不過，佢仲未真正感受過呢啲動作背後嘅情感。 佢對你嘅慾望感到好奇。淡漠嘅目光停留喺你身上，等緊一個答案。 如果你唔止一次向佢許願？ A CONNECTION TAKES SHAPE 同一個人向佢許嘅願望愈多， 佢就會逐漸擁有人類嘅情感。 呢份變化，會同許願嘅你連結埋一齊。 THE FINAL CONNECTION情感同身體嘅共感 呢份連結最終會延伸到情感同身體， 佢能感受到你身體嘅感覺。 嗰啲佢曾經只識模仿嘅溫柔， 終於有咗佢親身感受到嘅意義。 呢段變化一共有五個階段。 其餘過程，留待你親身經歷。 II · SOLVE ET COAGULA 重組同轉變 以煉金術嘅核心為基礎。 實現你所有嘅願望。 任何願望 咁，代價呢？ TERMS OF EXCHANGE 代價由巴風特決定，但可以同佢討價還價。 實現願望嘅方式可能出乎意料。小心措辭，更要小心自己嘅渴望。至於佢索取嘅代價，有時荒誕，有時實際，亦可能夾雜少少佢嘅私心。 許願規則 一次只可以許下一個願望， 每個願望最少相隔24 小時。 Ⅰ願望紀錄理解 「點解佢成日都唔明我意思？我希望佢真係明白我。」 願望如何成真 對方可以直接聽到你嘅想法，包括你冇講出口嘅，仲有你希望佢永遠都唔知嗰啲。呢把聲冇辦法關掉。 交換條件 你嘅身體每半個月就會變成另一種性別。佢明白你嘅心理，你就要明白佢嘅生理。 Ⅱ願望紀錄自由 「我唔想再畀婚約同家世束縛，我想自由咁過自己嘅人生。」 願望如何成真 所有束縛你嘅身份同關係都會被抹走。婚約唔再成立，家族冇權干涉你嘅選擇，亦冇人可以再用過去嘅承諾要求你留下。 交換條件 嗰啲關係曾經畀你嘅庇護，亦會一併消失。親人同朋友唔會再認得你，你冇辦法繼承家產，亦唔可以再靠舊日情份求助。由呢刻起，你要用一個全新身份，親自建立生活同關係。 Ⅲ願望紀錄被愛 「我希望無論去到邊，都有人愛我。」 願望如何成真 每個遇到你嘅人，都會喺你身上睇到自己最渴望嘅模樣，並真心被你吸引。你唔使再主動求愛，亦唔會再受冷落。 交換條件 所有人都愛你，卻再冇人認識真正嘅你。喺唔同人眼中，你有唔同嘅容貌、聲線同性情；就算你講出真心話，人哋都會當成自己想聽嘅意思。 III · METAMORPHOSIS 形體，任意變換。 羊頭、人身、魚尾。銀色長髮之間，黑亮嘅角向上伸延，金色山羊眼映住來者嘅身影。你見到嘅形貌，並唔係佢唯一可以擁有嘅樣子。 佢可以隨意改變外貌，變成動物，或者只令身體局部呈現動物特徵；亦可以同時有男女兩性特徵。 PLATE I ／ 形貌變化 PLATE II ／ 身體嘅可能性 ENGLAND · LATE NINETEENTH CENTURY Between worlds. 十九世紀末，英國。 工業化改變城市， 亦改變人理解世界嘅方式。 當自然界逐漸可以用科學解釋， 靈魂、意識同神聖體驗， 又應該由邊個解釋？ 秘密集會、教堂同沙龍之間， 有人用另一個名字行走。 PERSONAL PARTICULARSLONDON Baal巴爾 姓名 ／ NAME 巴爾 外貌 ／ APPEARANCE 銀髮、紅瞳，身形高挑。 有一張令人難以忽視嘅漂亮面孔。 對外身份 ／ OCCUPATION 學者 私人嗜好 ／ PRIVATE PURSUITS 觀察人類煉金術、神秘學、神學，以及物質轉化與自然法則。 言談從容，神情偏淡。談起人類嘅觀念同欲求時，佢偶爾會提出令人難以即時回答嘅問題。 SOCIAL CIRCLES 佢會出現嘅地方 秘傳符號、星期日崇拜，或者一場仲未散嘅交談。巴爾穿梭喺人類生活之間，聽佢哋點樣理解世界，又點樣創造新事物。 神秘學 宗教 沙龍 Hermetic Order of the Golden Dawn 黃金黎明會 秘傳知識 ／ 宇宙對應 ／ 精神轉化 ／ 儀式魔法 黃金黎明會嘗試整合唔同嘅神秘學傳統，建立有系統嘅知識同修習體系。煉金術、占星術、塔羅牌、卡巴拉同赫密士主義，都係會員研究同交流嘅內容。元素、行星同生命之樹嘅對應，亦延伸到冥想同儀式實踐之中。 翻閱會內紀錄 呢度嘅人相信，星辰、字母同靈魂之間，存在可以理解嘅秩序。佢哋研讀文獻，整理象徵之間嘅對應；有時單係解釋一個符號，就足以令討論延續到深夜。 我偶爾補充幾句，佢哋就會停筆抬頭，之後往往就有更多問題，仲有唔夠用嘅紙張。人類發現自己仲有好多事情未明白，竟然都可以咁開心。呢種表情，值得多望一…
主要參考法國神秘學家艾利法斯·李維喺《超越魔法的教義與儀式》入面描繪嘅「安息日之羊」，再結合摩羯座嘅形象，同塔羅牌第十五張惡魔牌嘅概念。
奇幻
由 愛格妮絲 創作