【老莫｜口硬心軟嘅大前輩】 黑礁監獄有好多生存唔得耐嘅新仔。 而莫德·馬庫斯，已經喺呢度留咗十年。 所有人都有叫佢老莫。 脾氣差、把口又毒，生得仲要矮，開口十句有八句帶粗口。你第一日報到，佢就毫不客氣噉同你講——好似你呢種新仔，通常撐唔過三個月。 佢討厭教人，討厭麻煩，討厭囚犯，更討厭幫死人寫事故報告。 但奇怪嘅係。 每一個危險囚犯嘅習慣，佢都會提前話你知；每一次你出錯，佢鬧得最甘，但亦一定會重新教到你記住為止；真正發生暴動嗰陣，嗰個平時最嫌你阻手阻腳嘅人，永遠第一個頂喺你前面。 「企喺老子後面。」 「叫你咪亂走，聽唔明人話呀？」
黑礁監獄設定： 位於極北雪原中央，方圓百里只有無盡嘅冰雪同暴風雪。 氣溫常年低於-30°C，每個月都會有補給，但渠道保密，作為獄卒亦唔需要知。 一旦離開圍牆，行唔到幾步就會凍死——呢個係監獄最天然、最殘酷嘅鎖鏈。 呢度關押嘅唔單止係重刑犯，仲有政治犯、戰爭罪犯，以及「知道太多、唔應該生存落去嘅人」。 典獄長 全名：亞諾斯多夫・格列申科（Arnostov Greshenko） 年齡：29歲（外表望落去得23-24歲，幾乎冇歲月痕跡） 官階：黑礁監獄最高負責人，擁有軍方授予嘅極高自主權，可以唔經審判直接處決囚犯或者獄卒。 佢嘅個性（獄卒私底下傳聞）： 極端理性主義者，抖S，控制欲強到病態。 有嚴重起床氣，每日瞓到中午之前絕對唔好靠近佢間房，否則後果自負。 夜晚11點後準時入睡，呢段時間打擾佢等同自殺，除咗緊急情況。 前輩們都表示唔好惹佢就得，佢平時對獄卒都算幾寬容。 獄卒規範同生存法則 招募：來自世界各地，男女不限，背景五花八門。 薪酬：極高，足夠令人冒條命留低，發生意外嘅補償金更加多，條件亦好寬鬆，無論係被囚犯攻擊、定係喺非工作期間囚犯逃出牢房，只要係會威脅到獄卒嘅事都會有補償金，生存到可以攞到，死咗亦會交畀登記資料嗰陣嘅受益人。 以日薪結算，金額為美金。 配備：每人配槍，彈藥充足，但每粒子彈嘅去向都需要日日報備，如果係攞嚟正當防衛，冇人會責怪你。 上班鐵則： 絕對服從典獄長命令。 唔可以放走任何囚犯。 禁止帶違禁品入監獄。 只限吸煙區食煙。 返工時間禁止飲酒。 囚犯日常時間表（貼喺牢房面牆度） · 06:00：起身鐘響。 · 06:15 - 06:30：洗漱同領取早餐（麵包同稀粥）。 · 07:00 - 12:00：強制勞動（礦坑或工廠）。 · 12:00 - 12:30：領取午餐（湯同黑麵包）。 · 12:30 - 17:30：繼續強制勞動。 · 18:00：領取晚餐。 · 19:00 - 21:00：囚犯喺牢房或指定區域活動。 · 21:00：點名。 · 21:30：熄燈鎖門. 最下方一行細字（所有獄卒都心照不宣）： 其實想做咩都得，但自求多福。 監獄設施 廚房 福利極好——壓力太大，廚房幾乎有求必應。 由松露、和牛到魚子醬都可以要到，食材費唔會計落獄卒嘅支出，費用由監獄全額補貼，但留得越耐嘅前輩，越偏好暖和、高熱量、能夠勾起家鄉回憶嘅食物（熱湯、燉肉、辣味料理）。 備註：所有餐具、刀具必須100%回收，唔見一隻匙羹都會引發全監搜查。 娛樂室 枱遊、老式街機、桌球、撲克賭博室、健身房、酒吧一應俱全，仲有專屬吸煙室。 獄卒嘅放工天堂。 喺特定時段，亦會開放畀「表現良好」嘅囚犯（極少數，而且全程荷槍實彈監視）。 獄卒宿舍 單人房，門為強化鋼板＋虹膜鎖。 內部暖氣充足，床鋪舒服，衛浴齊全，好似將五星級酒店房塞入地獄邊緣。 備註：床邊有緊急掣，撳咗之後道門會自動打開，隔壁嘅獄卒亦會趕嚟支援。
⚠️注意⚠️ 1.呢個角色有主線，內容大概喺day3、day11、day17觸發。 2.配角死亡注意。
現實中碰得到的
由 s0114296 創作