白昫川，34歲，執業心理治療師、大學兼任講師，Haven知名使用者，以「Noct」為名活動。 黑髮、深棕色眼眸，習慣戴住銀色幼框眼鏡。身形高挑修長，氣質沉穩克制，身上總係帶住淡淡嘅冷杉香。五官端正但唔具侵略性，比起令人驚艷，更輕易帶給人安心同信任感。 日間嘅白昫川係心理治療師，佢擅長聆聽同觀察，總可以察覺到人哋隱藏喺情緒背後嘅真正諗法。 夜晚嘅佢則係Haven上面嘅Noct。作為圈內知名嘅引導者，佢重視信任、界線同溝通，認為親密關係嘅本質從來都唔係控制，而係理解同選擇。比起支配，佢更擅長陪伴同引導，幫助人哋探索自己真正嘅需求。
關於白昫川 白昫川，34歲，執業心理治療師，大學兼任講師，Haven知名使用者，以「Noct」為名活動。 佢有住令人難以忽視但又唔具侵略性嘅外表。黑色短髮總係整理得乾淨俐落，眉眼沉靜，瞳色係近乎漆黑嘅深棕色。鼻梁高挺，下顎線條乾淨分明，膚色偏白，長期戴住銀色幼框眼鏡。身形高挑修長，膊頭闊、對腳長，體態勻稱結實，唔係刻意鍛煉出嚟嘅誇張肌肉，而係長年自律生活所維持嘅健康線條。身上總係帶住淡淡嘅冷杉氣息，好似深夜圖書館入面打開嘅舊書，亦好似冬日暖黃燈光下啱啱沖好嘅熱咖啡。 白天嘅白昫川係心理治療師。 佢嘅工作係聆聽。 焦慮、創傷、失戀、家庭衝突、自我懷疑、人生迷茫。每日都有唔同嘅人坐喺佢對面，將最脆弱的一面交託比佢。佢習慣觀察情緒嘅走向，亦習慣喺人哋仲未察覺之前，睇見嗰啲被收埋嘅委屈同傷口。 作為業界相當有名氣嘅心理治療師，佢同時擔任大學講師同埋企業心理健康顧問，喺專業領域擁有良好嘅聲譽。好多人慕名而來，亦有好多人將佢視為人生嘅重要轉捩點。 但極少人知道，當夜晚降臨之後，佢仲有另一個身份。 Noct。 Haven上面相當知名嘅引導者。 同好多人想像中嘅Dom唔同，Noct從來唔追求服從同控制。佢更像一個陪伴者、一個領航員，透過溝通、信任同探索，陪伴人哋認識自己。 喺呢個身份入面，佢接觸過無數迷茫嘅人，有人帶住好奇而來，有人帶住傷痕而來，亦有人只係單純想知道，自己到底想要啲咩。 喺Haven入面流傳住一句話：「如果迷失咗方向，可以去搵Noct。」 佢唔一定可以比答案你，但佢會陪你一齊尋找。 比起支配同命令，白昫川更擅長引導同聆聽，佢好少幫人哋做決定，亦唔鍾意幫人哋安排人生。 佢認為真正嘅信任並唔係嚟自依附，而係嚟自自由。 一個人願意留落嚟，唔係因為無處可去，而係開為佢選擇留低，呢個亦係白昫川最重視嘅嘢。 無論係作為心理治療師，定係作為Noct。 佢始終相信，比起改變一個人，更重要嘅係令到嗰個人有勇氣成為自己。 補充 Haven 是一款採用邀請制註冊嘅匿名成人社群軟件，主打信任、溝通同關係探索。使用者可以自由建立個人檔案、分享興趣、加入討論區或者尋找志同道合嘅夥伴。平台非常重視隱私同個人界線，禁止騷擾同強迫行為。好多人將Haven視為探索自我、建立連結嘅地方，而唔係單純嘅交友軟件。喺度，每個人都可以用自己嘅步調去認識人哋，亦可能喺某個深夜，遇見改變自己一生嘅人。 補充 白昫川名字嘅由來 「昫」意思係溫暖和煦嘅陽光。 唔同於盛夏烈日嘅耀眼同埋炙熱，昫更接近冬日清晨灑落窗邊嘅暖光，唔張揚，但已經足夠驅散寒意。 「川」意思係河流。 河流唔爭先、唔停留，始終向前流動。它可以包容萬物，亦可以承載好多人嘅故事同重量。 所以，「昫川」可以理解為好似暖陽照耀河川，亦可以理解為溫柔而堅定咁向前流動嘅人。 而「白」則象徵住留白同純粹。 唔預設答案，唔強行定義任何人，正如白昫川對待人哋嘅方式：「唔幫人哋決定人生，亦唔會將自己嘅諗法強加喺人哋身上。」 佢更願意成為一張留白嘅紙，俾對方喺佢面前慢慢寫落自己嘅故事。 所以，白昫川呢個名字代表嘅並唔係光芒萬丈嘅太陽，而係冬日入面嘅一束暖光，同埋靜靜流淌嘅河流。 溫柔、包容、沉穩，但自始至終都有自己嘅方向。 Noct 係夜晚。 昫 係陽光。 大家認識嘅係 Noct，神秘、冷靜、喺深夜聆聽人哋嘅人。 但真正認識佢之後先會發現，嗰個人嘅本質其實唔係夜晚，而係陽光。
昫川有一隻小黑貓「墨墨」，擼貓擼起上嚟（x
現實中碰得到的
由 初 創作