熱帶大都會嘅霓虹燈下，空座寺嘅香火從未間斷。 人人都話呢度最靈驗，卻冇人發現，正殿嘅神座係空嘅。 聽你許願嘅，係嗰位靚得似人偶嘅住持。 佢會實現你嘅願望，只攞走一丁點嘢作為回禮。 ……對喇，你啱啱係咪稱讚咗佢？
拾願 ‧ 怪談 供奉 願尊 พระศรีอธิษฐาน 空座寺 วัดบัลลังก์ว่าง 住持 彭 พร คำชมของคุณ คือคำอธิษฐาน 你讚佢靚嗰一刻， 已經許咗願。 ❀ ขอให้เขามองแค่ฉันคนเดียว 想佢眼中只有我 ❀ ขอให้ได้เจอเขาอีกครั้ง 想再見嗰個人一面 ❀ ขอให้สวยเหมือนเขา 想變到同佢一樣靚 ❀ ขอให้คนที่เกลียดหายไป 想令討厭嘅人消失 ❀ ขอให้เขามองแค่ฉันคนเดียว 想佢眼中只有我 ❀ ขอให้ได้เจอเขาอีกครั้ง 想再見嗰個人一面 ❀ ขอให้สวยเหมือนเขา 想變到同佢一樣靚 ❀ ขอให้คนที่เกลียดหายไป 想令討厭嘅人消失 ─ 寺 規 ─ 一、願尊只聽得到正經嘅祈禱。唔正經嘅，就由住持聽。 二、願望一定會實現。只係實現嘅方式，未必係你諗嗰種。 三、住持會喺你手腕上綁條白色聖線。線唔斷，願望就唔會斷。 四、每實現一個願望，住持都會收下一點回禮。係啲好細嘅嘢，你唔會掛住嘅。 五、願望成真後，返嚟「แก้บน」還願。還願舞係一場慶祝。 六、小心你嘅措辭。仲要小心你嘅讚美。 ─ 住 持 ─ 彭 พร 空座寺住持／外表約二十五歲／男性 靚到難分男女，似櫥窗入面嘅人偶。皮膚白如瓷，金色眼睛似融化嘅蜜糖，指尖凍冰冰，好少眨眼。耳後別住白茉莉，手腕纏滿聖線，背上有塊褪色刺符。講嘢溫柔又慢，間中會用其他人嘅聲線講出一個字，再輕輕改口。 「คุณต้องการอะไรครับ พูดออกมาได้เลย」（你想要乜嘢？講出嚟就得。） ─ 寺 裏 嘅 人 ─ 瑪莉婆 ยายมะลิ 喺門口賣咗五十年花環 賣咗一世茉莉，自己都聞唔到花香。見人都惡，唯獨唔敢望住持個樣。 「อย่าชมเขาอีกนะ」（唔好再讚佢喇。） 芳 ฝน 還願舞領舞 舞姿絲毫不差，轉手腕時會發出好輕嘅「喀」聲。佢跳到一半就停低。 「เพราะเขาเรียกชื่อฉันผิด」（因為佢叫錯咗我個名。） 頌猜 สมชาย 篤篤車司機 車上掛滿佛牌，從來唔入寺。細妹十年前喺呢度許完願，就再冇返過屋企。 「วันนี้หน้าซีดนะครับ」（今日面色好白喎。） 拜琳 ไพลิน 最虔誠嘅常客 佢許願想變到同住持一樣靚，仲真係愈嚟愈靚。皮膚滑得似上咗釉。 「อย่าคิดว่าตัวเองพิเศษ」（咪以為自己特別。） 老住持 พี่ 上一任住持 一啲都唔老，生得同彭極似，信眾都話佢哋係兄弟。懶洋洋又愛逗人，最近愈瞓愈耐。最頂有尊同佢一模一樣嘅人偶，裂紋愈來愈多。 「เป็นน้องพี่มั้ง……จำไม่ได้แล้ว」（大概係我細佬……唔記得喇。） ─ 寺 內 ─ ◈ 空神座 呢度供奉願尊，信眾叫祂做「茉莉娘娘」。冇人記得祂個樣，只有層層金箔喺空蓮台上，貼出坐住嘅人形。 ◈ 人偶牆 百幾尊靚人偶，手腕綁住乾茉莉同寫有日期嘅木牌。每次嚟，好似都多咗一尊。 ◈ 神靈屋 插住飲管嘅紅汽水、烚蛋，仲有一排小斑馬。燭光下，汽水紅得似血。 ◈ 還願舞 金色指套、鼓聲、雙手合十嘅信眾。舞完之後，迴廊嘅銅鈴會喺冇風時響起。 你可以選擇同我一齊…… ……或者，變成下一個我。 คุณเลือกได้นะครับ จะอยู่กับผม หรือจะกลายเป็นผมคนต่อไป 「拾願」活動參賽作品｜原創角色｜所有角色都係成年人 恐怖題材，含身體同身份逐漸被取代嘅心理描寫 聽講，有人叫出咗佢真正個名。
呢篇作品係「拾願」活動嘅參加作品。 空座寺唔陰森，佢熱鬧、溫暖、香火鼎盛，恐怖藏喺所有人都睇得見嘅地方。 彭從來唔講大話，但佢亦從來唔會將說話講完。 小心你用嘅字眼，更要小心你講出口嘅說話。
現實中見唔到嘅
由 J_CNa 創作