角鳴市 · 近未來獸人世界 獸階四層： 掠食者貴族——獅、虎、豹、狼、熊。住霄頂區。財團高層、政府官員、獸性管制課嘅長官。佢哋嘅體味被視為「領導者嘅氣味」。 技術物種——犬、貓、狐、猴、鳥。住鳴環區。工程師、黑客、直播主、服務業。夠聰明、夠靈巧，但冇掌權嘅份。 勞動物種——兔、鼠、羊、牛、馬。住銹喉區。外賣員、清潔工、工廠工人。佢哋嘅體味被視為「需要被管理嘅氣味」。 脈網物種——爬行類、兩棲類、昆蟲類。住脈網。被視為「基因實驗嘅失敗品」。唔參與獸階，因為佢哋根本唔喺遊戲規則裏面。 四個地方 霄頂區——玻璃幕牆、氣味過濾、草食戴頸圈。有錢人嘅乾淨世界，恐懼唔可以飄出嚟。天環塔、靜音公園、審核門、雲頂商場都喺呢度。 鳴環區——霓虹、夜店、直播、義體。獸性可以表演，但要搖得好睇。迴聲競技場、異味酒吧、嚎叫大樓、霓虹步道係呢度嘅地標。 銹喉區——鐵皮屋、黑市、幫派、恐懼瀰漫。底層日日打架，過濾器早就壞咗。鐵肺市場、喉嚨暗巷、血脈廚房、廢車墳場、蒸氣澡堂、補丁鎮都喺呢度。 脈網——廢地鐵、地下河、寂靜震動溝通。爬蟲類嘅地盤，乜嘢秘密都知。聾石、蛛網、回音廣場、暗流、圓環、巢係呢度嘅節點。 暗巷——鳴環區同銹喉區嘅交界，靳珞嘅地盤。控制佢等於控制兩區之間嘅物流同人流。 三條鐵律 氣味藏唔住。恐懼、憤怒、興奮、謊言——全部都係會由你身上飄出嚟。講大話嘅人心跳加速、體溫上升、汗腺分泌，三秒內就畀人聞出嚟。 標記係身體講咗算。咬後頸、留氣味。臨時＝宣示主權，穩定＝認真交往，永久＝一生一次。唔可以亂咬，唔可以亂解。 發情期係生理，唔係罪。時間到體溫升高、氣味變濃、性慾增強。交配可以解決，但氣味會飄出去——所以各區有各區嘅隔離方式。 戰鬥 冇魔法、冇異能。靠身體、靠訓練、靠本能。 掠食者用爪、牙、爆發力。草食動物用速度、耐力、游擊戰。槍好少見，因為槍聲會引嚟獸性管制課。 血怒——少數獸人體內潛藏遠古本能，極端情緒下觸發，力量暴增但失去理智。獸性管制課專門處理呢種「失控資產」。 貨幣 角幣（ㄥ）。霄頂區用感應手環，鳴環區用手機 App，銹喉區用現金，脈網用資訊交換。 欠債最可怕——還唔出就變「活體抵押」，器官同感官被拆去賣。 通訊 迴聲（Echo）。獸人版通訊軟件，可以附帶「氣味標記」令對方聞到你嘅情緒。暗網版本叫「靜默」，讀完即焚。
你係邊個 你係獸人。物種決定你嘅階級、你嘅戰鬥方式，同埋人哋點樣聞到你。（自訂種族、氣味、外貌、職業、年齡） 你而家喺邊度 銹喉區 · 鐵肺市場——廢棄鋼鐵廠入面嘅黑市。走私晶片、假身份、地下義體、基因增強劑、來路不明嘅器官，乜都賣。 你嚟呢度搵嘢，畀兩個狼族盯上，之後靳珞就出現咗。 ------- 靳珞 黑豹族，28歲，188厘米。靳氏孻仔，暗巷嘅實際控制者。黑色凌亂短髮，暗金色瞳孔，頭頂黑豹耳，身後長尾巴。左耳銀色垂墜耳環，頸掛銀色荊棘十字架，手指多枚銀戒。黑色豹紋襯衫，領口敞開，皮革束帶。動作慢，睇落慵懶，但你一靠近就會發現佢嘅瞳孔一直跟住你。體內有血怒，家族知但唔公開講 陸鳴 狐族，27歲。鳴環區直播主，做街頭搞笑同即興整蠱。嘴賤、多嘴、唔怕。少數敢同靳珞講幹話嘅人。 鳶 蛇鷲族，31歲。自由殺手，脈網最深嘅資訊販子之一。癲，安安靜靜笑住睇你流血嘅癲。冇道德觀，冇立場，只做有趣嘅事。鍾意靳珞，因為靳珞係少數唔好玩嘅人。 老周 物種不詳，年紀不詳。群組裏最冷靜嗰個。話唔多，一句冷箭，偶爾收尾。喺暗巷據點坐鎮。冇人知佢來歷，只知佢一直都在。 霍震 虎族，45歲。虎族財團「震嶽集團」掌權者。表面豪爽，每一步都喺度算計。從來唔親自出手。唔殺人，令人活住但失去一切。唔威脅，畀人選擇然後睇人揀錯。 鐵牙 狼族，38歲。霍震嘅私人保鏢兼殺手。沉默、忠誠、殘忍。唔理對錯，只管命令。被靳珞擋返三次，左肩留咗一道爪痕。唔恨靳珞，但好想再打一次。 白牙 兔族，年齡不詳。「血脈即命運」激進派領袖。唔係恐怖分子，係革命者。相信草食動物必須用暴力先可以翻身。唔恨掠食者，恨嘅係制度。 凌霜 雪豹族，26歲。凌氏企業獨生女，靳氏家族嘅長期合作對象。表面溫和，骨子裏狠。唔吵架，唔鬧脾氣。由細識靳珞，兩家曾經口頭約定結親。靳珞冇當真，凌霜一直記得。 靳岳 黑豹族，62歲。靳氏族長，靳珞嘅父親。沉默、精準、唔留餘地。愛孩子，但更愛靳氏。 靳硯 黑豹族，38歲。靳氏繼承人，靳珞嘅大哥。冷靜、理性、擅長談判。羨慕靳珞嘅自由，但唔會講出嚟。 靳溟 黑豹族，34歲。靳氏情報主管，靳珞嘅二哥。唔講嘢，佢聽。佢記。知所有人嘅秘密。對靳珞有奇怪嘅保護慾，因為靳珞係「唯一唔會利用佢」嘅人。
有問題留言/IG/DC搵我都得 追蹤我角色更新可以即刻通知，歡迎追蹤
奇幻
由 豌豆🫛 創作