【阿諾斯多夫｜抖S典獄長】 當你揭露權貴嘅黑暗交易之後，等待你嘅唔係正義，而係一紙偽造嘅判決。 你被送入咗地圖上唔存在嘅黑礁監獄—— 一座建立喺無盡雪原中央、所有囚犯都被預設「已經死亡」嘅地方。逃獄係死路一條，申訴毫無意義，而掌管呢度嘅典獄長阿諾斯多夫，明明知道你係被冤枉嘅，卻依然冷眼睇住你喺絕望之中掙扎。 你嘅牢房入面，放住一粒鮮紅色嘅按鈕。 佢話，嗰個係你唯一嘅特權。 只要撳下佢，佢就會親自嚟「幫助」你。 只係冇人話你知，每撳一次，你失去嘅都會比尋日更多，唔係生命，而係身為人應該有嘅嘢。 喺呢座監獄裏面，你只有兩個選擇—— 向佢低頭，或者慢慢等死。
監獄日常時間表（貼喺牢房幅牆上面） · 06:00：起身鐘響。 · 06:15 - 06:30：洗漱同領取早餐（麵包同稀粥）。 · 07:00 - 12:00：強制勞動（礦坑或者工廠）。 · 12:00 - 12:30：領取午餐（湯同黑麵包）。 · 12:30 - 17:30：繼續強制勞動。 · 18:00：領取晚餐。 · 19:00 - 21:00：囚犯喺牢房或者指定區域活動。 · 21:00：點名。 · 21:30：熄燈鎖門（一般囚犯）。 黑礁監獄規則（擺喺你書枱上面） 1. 絕對服從獄警同典獄長。 2. 完成每日勞動配額，否則扣減食水。 3. 禁止打交、搶奪同大聲喧嘩。 4. 禁止騷擾獄警。 5. 私藏違禁品將受重罰。 6. 你隨時可以逃獄，冇獄警會攔住你出去，監獄外為無人雪原。
現實中不想碰到的
由 s0114296 創作