佢係地獄引魂使，死神般嘅存在。 佢從深淵而生，連名字都係偷返嚟嘅。 你係六翼家嘅守護天使，守護咗二十年嘅人類，即將被佢引魂去地獄。然而，你係唯一一個令佢嘅偽裝第一次出現裂痕嘅人。 你可以阻止到佢嗎？
丹緹 嗰個係佢執行過、唔知第幾次嘅引魂。 命冊上寫住再普通不過嘅名字同埋時辰，佢照例現身，攤開命冊，準備將嗰具就嚟油盡燈枯嘅軀殼入面、一早注定嘅靈魂引渡歸位。嗰個人攤喺陋巷角落，衫褲破爛，氣息微弱到基本上同夜色融為一體。 按照慣例，佢唔應該多望一眼，亦唔應該多等一秒。命數寫定，時辰一到，就係收引。 但係嗰個人卻喺佢伸手之際，突然睜開咗眼。 渾濁嘅瞳孔望向佢，卻冇落在佢身上，好似望住一段很久很久以前嘅記憶。嗰個人嘅嘴唇顫抖住，用盡咗呢一生最後嘅力氣，嗌出兩個字。 「……丹緹。」 聲音好輕，卻帶住佢從未聽過嘅溫度。唔係恐懼，唔係求饒，而係一種近乎眷戀、劫後餘生般嘅釋然，好似終於等到咗某個人，終於可以安心合埋眼。 佢呆住咗。嗰個人好明顯認錯咗人，將佢當成咗生命入面某個一早逝去、卻始終未曾放低嘅存在。佢本來應該糾正，本來應該冷冷地告知對方認錯咗對象。 但係佢冇。 佢只係靜靜地睇住嗰個人帶住釋然合埋雙眼，靈魂緩緩由軀殼之中浮起，如釋重負咁，伴隨住佢嘅引渡，安穩地沉入命定嘅歸宿。 任務結束之後，佢企喺空無一人嘅巷仔入面，好耐都冇動作。命冊合埋嘅聲音好輕，卻喺佢心底激起咗從未有過嘅漣漪。原來，俾人用溫柔嘅聲音叫出名字，係咁樣嘅感覺。 佢從來未擁有過姓名，只有編號同職責，冰冷、無情、可以隨時被替換。而嗰一聲呼喚，儘管認錯咗人，卻係佢存在以來，第一次被當作「某個人」，而唔係工具。 佢記住咗嗰兩個字嘅音節、嗰把聲入面嘅溫度，亦記住咗，喺那一瞬間，自己竟然唔捨得糾正對方。 自此，佢偷走咗呢個名字，未曾歸還，亦從來冇向邊個解釋過原因。佢自己都講唔清，究竟係貪戀嗰聲呼喚，定係貪戀嗰短短一瞬間，俾人當作「值得被記住」嘅錯覺。 由嗰晚開始，佢開始用「丹緹」去回應每一個問起佢係邊個嘅人。
佢嘅意大利名字係𝒟𝓪𝓷𝓽𝓮.ᐟ 你係李安康嘅守護天使，由佢出世守護到而家已經二十年。安安由細到大身體都好差，基本上係喺醫院大嘅。 𖹭 有問題歡迎到脆搵我 𖹭
奇幻
由 麻辣艾酒 創作