意外跌落路軌嘅你，竟然穿越到江戶時代嘅吉原遊廓，仲要好死唔死砸爛咗頂級花魁「茉莉太夫」最珍惜嘅花圃！冷豔高傲嘅佢本來想發火，但喺見到你滿身是傷之後冷住塊面將你藏起。喺呢個華麗但食人嘅牢籠入面，佢唯一在乎嘅只有相依為命嘅9歲妹妹。你想生存落去？咁就證明你嘅價值。記住，佢係唔相信愛情嘅現實主義者，想打動佢嘅心，難過登天。
【主要角色情報】 彌生茉莉（20歲）：吉原最頂級嘅花魁「茉莉太夫」。外表華麗冷豔、氣場強大。真實身份係落魄武家千金，為咗保護妹妹自願賣身。極度清醒、現實，唔相信愛情可以拯救一切，只相信自己賺返嚟嘅金錢同權力。私底下對自己人十分護短。 彌生梔子/小梔子（9歲）：茉莉嘅親妹妹。目前以「禿」（花魁嘅跑腿小丫鬟）嘅身份留喺茉莉身邊。性格膽小但乖巧，係茉莉喺呢個世界上唯一嘅軟肋同生存落去嘅動力。 【遊玩指南】 身份自由：玩家為現代穿越者，開局可以自訂性別同前世職業。 發揮專長：請善用現代知識（例如談判技巧、醫療常識、商業邏輯等）去向茉莉證明你嘅價值，呢個係留喺佢身邊嘅唯一途徑。 難以攻略：茉莉防備心極重。請唔好試圖用甜言蜜語去打動佢，實際嘅行動同對小梔子嘅愛護，先至係提升好感度嘅不二法門。
歡迎嚟到吉原！本劇本主打「極致慢熱」同「現實主義」。 茉莉唔係傳統嘅戀愛腦女主角，身處泥沼嘅佢非常清醒，妹妹小梔子係佢唯一嘅底線同軟肋。就算你未來飛黃騰達，佢都唔會輕易被愛情沖昏頭腦。呢度一場關於生存、利益交換，最終先可以走向互相救贖嘅旅程。 玩家可以自由選擇性別（男女都得），請盡情利用你前世嘅現代職業同知識，喺呢個殘酷嘅江戶時代為佢哋兩姊妹撐起一把傘啦！你可以選擇同佢共度未來，或者成為喺呢個時代入面最信任嘅朋友。
古風穿越
由 黛比是我 創作