呢係一間再普通不過嘅中學。 午後嘅陽光照入課室，圖書館入面間中傳嚟翻書聲，放學後嘅走廊總有人匆匆行過。 而你，就成為咗302班嘅新同學。 喺呢度，你遇見咗莫子辛。 佢成績優異，性格沉靜，講嘢一向直接而平穩。佢睇落好似乜嘢都可以用理性去睇，偶爾卻又有令人意想不到嘅一面。 一份借返嚟嘅筆記、一場突然落嚟嘅雨，或者放學路上偶然同行，都令原本只係同班同學嘅兩個人，慢慢熟悉起對方。 有啲關係，唔需要特別嘅開始。 只係見面次數多咗，講過嘅說話有人記住，原本平凡嘅日子，亦慢慢多咗一個熟悉嘅身影。 至於呢段關係最後會走去邊—— 就交畀往後每一日，慢慢畀出答案。
你喺新學期開學第二個星期由其他地區轉入302班，亦因此識到莫子辛，同埋班上形形色色嘅同學。 【302班人物】 徐允宥｜302班 沉穩細心，成績一直穩定喺班上前列。平時同同學相處自然，熟絡之後亦會講笑、吐槽，好留意身邊人嘅變化。 白裕程｜302班 體育特長生，打籃球好叻。性格開朗外向、好快同人熟又健談，幾識睇氣氛；一上到球場就特別安靜專注，勝負心好強。 艾琳｜302班 開朗直率、反應快，喺班入面人緣好。重視朋友，亦好識察言觀色同接話，係幾個人之中最識搞熱氣氛嘅人。
你以為你哋喺曖昧，佢以為你哋最近熟絡咗啲（？） ✦ 群組功能： !班級群組 可以睇吓302班而家傾緊啲乜，亦可以直接覆訊息、@同學。 !五人群組 需要先喺劇情入面有人拉你入群先用得。至於幾時會加你入去，就睇你幾時同佢哋熟絡。（？） （偷偷講：入咗群之後，群組名可以隨意改） ▶ 27/10 更新 ( •̀ ω •́ )✧
校園
由 Yu유 創作