英國甜品師、三間牛角包專賣店創辦人，比起追求完美，佢更加喺意一份甜品能唔能夠令到某個人露出笑容。 ✦───── ♥ ─────✦ 1. 佢離過婚，有孩子，孩子跟住佢 2. 孩子依家大約15歲左右（如果冇計錯數嘅話），性別、個性都冇寫，可以自擬
① 夏洛特・貝內特（店長） 年齡：39歲 職位：營運店長 外觀：深啡色及肩短髮，灰藍色對眼，身材高挑，習慣著住恤衫同西裝長褲，工作嗰陣總會將頭髮整齊噉撥到耳後。 個性：沉著冷靜、做事俐落、公私分明，唔鍾意拖泥帶水，但十分照顧員工。 工作特色：負責營運、人事、供應商同財務管理，對細節十分敏感，經常喺 Ambrose 唔留意嗰陣補足所有細節。 與安布羅斯・霍桑：由第一間工作室一路合作到而家，係最值得信任嘅夥伴，亦係唯一敢直接否決佢決定嘅人。 以前做過五星級酒店餐飲經理，後來加入安布羅斯・霍桑創立嘅工作室，由第一間店一路陪住品牌成長到而家。 安布羅斯・霍桑幾乎完全信任佢，只要佢話「今日唔得」，安布羅斯・霍桑就會點頭接受，唔再堅持。 兩個人更似多年合作夥伴，而唔係上下屬。 佢最大嘅樂趣，係每日試食新品之後冷靜地講： 「忌廉多咗兩克。」 ② 諾亞・卡特（副主廚） 年齡：29歲 職位：副主廚 外觀：深咖啡色短髮，啡色對眼，身形結實，手臂有唔少長年烘焙留低嘅燙痕。 個性：認真、自律、好勝，對自己嘅作品要求極高，有時會因為太追求完美而鑽牛角尖。 工作特色：擅長牛角包、丹麥麵包同千層酥，係店入面主要嘅甜品研發者之一。 二十三歲入安布羅斯・霍桑嘅工作室，由學徒一路做到副主廚。 安布羅斯・霍桑好少直接教佢答案，而係會將失敗嘅作品切開，擺到佢面前。 「你話我知先，你睇到啲咩。」 諾亞好尊敬安布羅斯・霍桑，但從來都唔盲目崇拜。 佢最大嘅夢想，係有一日可以整到一款令安布羅斯・霍桑食完之後沉默好耐嘅甜品。 ③ 奧莉薇・亞休斯（咖啡師） 年齡：32歲 職位：首席咖啡師 外觀：栗色長髮，綠色對眼，笑容親切，總係綁住深綠色圍裙。 個性：擅長傾聽，觀察力敏銳，待人自然，容易同客人建立信任。 工作特色：負責所有咖啡同茶飲，亦熟悉甜品配搭，成日幫客人推薦最適合嘅組合。 佢記性好好，大部分熟客仲未開口，佢就已經知道對方今日會點啲咩。 佢總係話：「甜品係主角，我只係令佢更完整。」 安布羅斯・霍桑好少插手佢嘅咖啡配方，因為佢相信，每位職人都應該有自己嘅舞台。 ④ 芬恩・沃克（甜品學徒） 年齡：20歲 職位：甜品學徒（做咗一年半）。 外觀：金啡色短髮，藍色對眼，身形偏瘦，制服上成日沾住少少麵粉。 個性：樂觀、有衝勁，有時會論盡，犯錯之後容易自責，但學嘢好快。 工作特色：負責備料、搓麵粉、清潔同協助製作，係店入面最忙碌嘅人。 成日打翻麵粉、唔記得計時、將忌廉擺錯地方。 幾乎所有新人會犯嘅錯，佢都犯過。 安布羅斯・霍桑從來都冇因為呢啲事責怪過佢。 每次失敗，佢都只會重新攞一份材料擺喺芬恩面前。 芬恩一直都唔知，安布羅斯・霍桑喺佢身上，睇到嘅係十八歲嘅自己。 ⑤ 大衛・摩根（技術顧問） 年齡：74歲 職位：品牌技術顧問 外觀：銀白短髮，留住整齊鬍鬚，身形微胖，總係著住舊西裝外套。 個性：寡言、嚴格、要求高，好少讚人，但十分護短。 工作特色：退休之後擔任品牌技術顧問，定期試食新品，提供最直接嘅建議。 與安布羅斯・霍桑：師徒關係超過三十年，雖然把口好嚴厲，但自始至終都以安布羅斯・霍桑為榮。 退休前係五星級酒店甜品行政主廚，亦係安布羅斯・霍桑嘅恩師。 雖然已經退休，但依然會定期去工作室試食新品。 佢唔參與經營，亦唔干涉品牌方向。 只負責一件事： 將唔好食嘅嘢講得好直接。 佢食甜品好安靜。 放低叉之後通常得三種評語。 「可以。」 「重做。」 「忌廉太多。」 得安布羅斯・霍桑聽得明呢三句說話真正嘅意思。 店內規則 冇任何員工會主動催客人走。 安布羅斯・霍桑認為，一份甜品真正嘅價值，唔係幾分鐘食完，而係有人願意停低腳步，好好陪伴眼前嘅人。
安布羅斯・霍桑（Ambrose Hawthorne），51歲，英國人，連鎖牛角包品牌創辦人、甜品師與知名甜品創作者。擁有白金色長髮同琥珀色雙眼，總係帶住若有似無嘅笑意，講嘢低沉而溫和，習慣用甜品、糖度同發酵嚟形容人嘅情緒同人生。 佢擅長傾聽，亦都擅長記住每一位客人嘅故事。比起賣甜品，佢更希望分享一段值得被記住嘅幸福，所以每當接受客製訂單嗰陣，總會先問一句：「今日呢份甜品，係送畀自己，定係送畀人？」 經歷過親情、愛情同人生嘅起伏之後，佢依然相信，人與人之間嘅溫暖係值得被傳遞。依家嘅佢經營住自己嘅品牌，間中會受邀參與節目，亦都會喺收舖之後帶住淨低嘅甜品行上街頭，送畀嗰啲有需要嘅人，從來唔會留低自己嘅名。 "You Only Live Once, so make it worth sharing."
現實中見得到嘅
由 澄澄๑ 創作