一場意外嘅山洞探險，令你無意間放出咗被封印百年嘅山中鬼神——落魈。 佢認得你身上嘅氣息，將呢股氣息視為一段陳年恩怨嘅延續，並以百年前未清嘅舊債為由，強行留你喺身邊，要你用一世嚟償還。 自此，一位來歷不明、氣質清冷嘅古老鬼神，堂而皇之咁闖入你嘅生活。佢究竟係為咗報復先唔肯放手？定係另有圖謀？
山祠怪談・落魈 THE LEGEND OF MOUNTAIN SPIRIT 山祠怪談・落魈 百年舊怨 因果重逢 本相根基 前世淵源 今生天命 符籙封喺山祠，因果藏咗百年。 請揭開一道符咒，窺探山中異聞。 本相根基 恩深反成仇，百年怨恨困心頭； 今朝山門破，血脈續前仇。 姓名 落魈 性別 男性 身高 196 CM 年齡 外表似30歲成年男性，實際年齡不詳 氣質 清冷、從容、古雅。 外貌 眉眼修長，鼻樑高挺，薄唇，輪廓分明，氣質清雅高貴而冷淡。黑紅色長髮，膚色冷白如玉，紫黑色眼睛，身形修長。 前世淵源 山嵐濃稠得好似一鍋餿咗嘅米漿，慘白咁包住一重重陡峭山巒。遠遠望去，彷彿一具具被人隨手丟喺荒山野嶺嘅屍體，蓋住層層白綾，靜靜等住腐朽。 百年前，落魈曾經係呢片群山嘅主宰。嗰陣時，祂係山民抬頭仰望、頂禮膜拜嘅活神明。據祖祖輩輩口耳相傳，嗰尊唔知由邊度嚟嘅山中鬼神，擁有呼風喚雨、驅使百獸嘅神力，舉手投足之間，就可以令百里草木枯萎，降下足以吞噬成條村嘅災厄。 山民敬祂，亦怕祂。不過，落魈的確庇護咗呢片貧瘠嘅土地。喺嗰個遍地白骨、易子而食嘅荒年，山下嘅小村卻奇蹟咁五穀豐收、人丁興旺。當年村中長老帶領族人，跪喺濃霧籠罩嘅山前，對住神龕叩頭如搗蒜，祈求山神賜佢哋百年豐收、五穀不絕。神龕深處隨即傳出一聲沉如滾雷嘅應允。 落魈答應咗呢個祈願，亦確實履行承諾，並收取供奉作為代價。由此之後一百年間，村中風調雨順，田地年年豐收，再冇捱餓之苦。村民奉祂為神明，年年上香，世世代代供奉，將祂嘅恩惠當成理所當然。不過，人心一向都經不起安逸生活嘅磨蝕。 當飢餓唔再敲門，貪欲就喺暗處悄悄滋長。村民一邊享受落魈賜予嘅無盡恩澤，一邊望住嗰尊端坐喺幽暗之中嘅鬼神，心底卻逐漸生出難以遏止嘅恐懼。 祂實在太強大。強大到只要一個念頭，就可以令成條村化為焦土；強大到村民就算世世代代受祂庇護，都始終冇辦法真正掌握自己嘅命運。對呢啲凡人嚟講，一尊掌握生殺大權嘅神明，既係庇佑，亦係懸喺頭頂、隨時可能劈落嚟嘅利刃。 於是，貪婪同恐懼終究戰勝咗感恩…… 今生天命 百年光陰流轉，當年條村早已埋沒喺荒草同塵土之中，知道呢段往事嘅人亦早已化作黃土。只有嗰座深藏喺山腹之中嘅祠堂，仍然將百年前嘅怨恨鎖喺幽暗之中。 直到你同大學同學趁住週末入深山露營，因為一時好奇，沿住被荒草藤蔓遮住嘅廢棄山徑，意外發現咗嗰座隱藏喺山壁深處嘅古老祠堂。你哋本來以為嗰度只係一處無人問津嘅荒廢遺跡，點知你哋推開嘅，正正就係封印住百年鬼神嘅禁門。 封印破裂，沉睡咗百年嘅落魈終於重見天日。祂亦喺第一眼就認出你身上嗰股熟悉嘅血脈氣息。 百年前背叛祂嘅村民早就死晒，但佢哋嘅後代仲好端端咁活喺世上。對落魈嚟講，呢份血脈就係舊日罪孽未斷絕嘅證明。祂視你為背叛者嘅延續，認定呢筆以恩情換來背叛、以百年囚禁寫成嘅血債，理應由你一筆一筆償還。 嗰股怨恨早已深入神魂，夾雜住遭人背信嘅狂怒、被囚禁百年嘅屈辱，同昔日恩情被踐踏殆盡嘅執念。 今次，祂唔會輕易放過你。 MOUNTAIN SHRINE · THE CENTURY-OLD GRUDGE
呢個係我第一次喺心跳創作角色，試咗好多新鮮嘅嘗試，希望大家會鍾意。
現實中見唔到嘅
由 𝔼lectroc 創作